@సుగాత్రి :
మీ వివరణలకి చాలా కృతజ్ఞతలు. జనంలో ఈ విషయాల్ని సాధ్యమైనంత ఎక్కువగా తేవండి. ఇది మీలాంటి తెలివైనవాళ్ళ ధర్మం. మనందరం కలిసి ప్రయత్నిద్దాం.

భారతదేశం మొత్తం భూగోళంలో 2% భూభాగాన్ని, 6% మంచినీటి వనరులను కలిగి ఉన్నది. ఆ లెక్కన చూసినా మనది జల ధనిక దేశమే.

>>మన నీటి అవసరాలలో అత్యధిక భాగాన్ని మింగివేసేది వ్యవసాయమే -
వ్యవసాయం పేరిట వృధా అవుతున్న నీరు అనండి. మనదేశం లో అత్యధిక శాతం పంటపొలాలకు సాగునీరు కాలువలద్వారా సరఫరా అవుతుంది – బావుల నుంచైనా, చెరువులనుంచైనా, బోర్లనుంచైనా. ఆ కాల్వల్లోని నీరు కాల్వల్లోనే అదృశ్యమైపోతుంది – భూమిలోకి ఇంకి కొంత, ఆవిరై గాల్లోకి కొంత. దీనికి పరిష్కారం పైపుల ద్వారా నీటిపారుదల, బిందుసేద్యం, తుంపరసేద్యం.

హరితవిప్లవం ఆహారకొరతను తీర్చినప్పటికీ సరికొత్త సామాజిక, పర్యావరణ, జీవావరణ సమస్యలను తెచ్చిపెట్టింది.

నీటికరువుకూ, అరాచకత్వం/ అంతర్యుద్ధాలకు గల సంబంధం సుస్పష్టం. భవిష్యత్తులో (దేశాల మధ్య కానివ్వండి, దేశం లోపల కానివ్వండి) యుద్ధాలు ప్రధానంగా నీటి వనరుల మీద ఆధిపత్యం కోసమే జరగబోతాయనడానికి వర్తమాన సంఘటనలే సూచికలు.
>>పంట పొలాలలో మనం ప్రస్తుతం నీటిని … పెక్కుభాగం వృధా చేస్తున్నాము. ఎరువులు, పురుగుమందులు విచ్చలవిడిగా కలపడం వలన చాలా నీరు పనికిరాకుండా పోతోంది.

ఎరువులు, పురుగుమందులు విచ్చలవిడిగా కలపడం వలన పనికిరాకుండా పోయేది నీరొక్కటే కాదు. సారవంతమైన నేల కూడా.

నా బ్లాగులో పర్యావరణ అంశాల గురించి ఎక్కువగా వ్రాయను. దేశ ఆర్థిక, సాంస్కృతిక అభివృద్ధి గురించి వ్రాయడం నాకు ఇష్టం. నీరు,ఇంధనం అనేవి వీటికి అతి ముఖ్యమైన అంశాలు గనుక వ్రాసాను. బత్తీబంధ్ బ్లాగులో నీటిపై నేను వ్రాసిన వ్యాసం పెడితే నాకు చాలా సంతోషం. నేను తరువాత వ్రాయబోయే వ్యాసాలు ఎక్కువగా విద్య గురించి, భాష గురించి ఉంటాయి.

మీ బ్లాగులో నేను వ్రాయకపోయినా, పాఠకుడిగా చదువుతూ,వ్యాఖ్యలు వ్రాస్తూ ఉంటాను.

- కిరణ్

మీరు బత్తీ బంద్ బ్లాగుకి అనుమతి ఇచ్చేయండి. పర్యావరణానికి సంబంధించి ఏ టపా వ్రాసినా కొంచెం నాకు తెలిపితే నేను ఇందులో పోస్టు చేస్తాను. మీకు ఇష్టమైతే మీరు ఒక రచయితగా బత్తీబంద్ బ్లాగులో చేరండి.

నీటి సమస్య గురించి చాలా మందికి అసలు తెలియదు. నీరు లేకపొతే వచ్చేది దాహం కాదు, ఆకలి అని ఎవ్వరికీ తెలియదు. ఈనాడు, ఆంధ్రజ్యోతిలలో ఈ రోజు సంపాదకీయాలు ఆహార ధరల గురించి వెలువడ్డాయి – ఎవ్వరూ నీటి సమస్య ప్రస్తావన చెయ్యలేదు.

ఈ సమాచారం సాధ్యమైనంత ఎక్కువ మందికి చేర్చాలన్నదే నా ప్రయత్నం.